J&K nung telungpur 4 tepset, army 2 asü

Srinagar, Feb. 13 (Agencies): Honibar anepdang north Kashmir, Kupwara nung kahtepdang telungpur pezü kahsetogo aser army ana süogo, ta army otongdar kati ashi.
“Chowkibal arrtsü tesem nung aliba Marsari yimtsüng nung telungpurtem den kahtepdang army ana tepset aser ketdangser ka densema army pezü yiru. Iba rara nungsa telungpura pezü tepsetogo,” ta police ketdangser kati ashi.
Marsari yim nung telungpurtem ki ka nung jenoka lir ta osang lazükba sülen yasüng Rashtriya Rifles (RR), State police indang Special Operations Group (SOG) aser Central Reserve Police Force (CRPF) sepaitem senteper telungpur aliba kiji longbang, iba mapang nung telungpurtemi mezüng injang kahlokja parnok tsüngda kahtep tenzük.

You must be logged in to post a comment Login