JK Rowling indang menden ka sen 394,000 agi ayok

New York, April 07 (Agencies): Nüngtugu arasentsür, Harry Potter otsü kaket zülur, JK Rowling-i amenba menden ka dollar sen 394,000 agi New York yimti nung yokogo.

“Tan ayokba mendenji Rowling-i Scotland kübok Edingburg nung ‘Harrry Potter & the Socerer’s Stone’ aser ‘Harry Potter & the Chamber of Secrets’ kaket züludang amenba menden ka lir,” ta Heritage Auction nung director, James Gannon-i metetdaktsü.

Par teloki ayonga agiba sen timba agütsür dang osettsüset ayoktsü sentong nung Rowling’er mendenji pei tenüng metetdaktsütsü memulunger kati alizük ta pai shisem.

Iba mendenji England kübok Worsley nung alir Gerald Gray-i ayokba osanga jangjaogo.

Tan ayokba jakdang Rowling’er mendenji Rowling-i lasa nübur yaritsü sentong ka nung 2002 küm dollar sen 21,000 agi ayokba osang bushitetogo.

“Tan meden nungi yokzükba sen noklang nung shilem 10 JK Rowling’er nübur yaritsü mapatong, Lumos nem tenlatsü renema lir,” ta AutoKontrol ta ajaba gari osettüset ayoker shishilembar, Gray-ia metetdaktsüogo.

Tan ayokba mendenji pai par jala atema eBay nungi 2009 küm alizük ta pai osang jangjashitsü.