J&K sorkari kaketshir ajak temaba class-i tudaktsütsü

Srinagar, November 17 (Agencies): Kashmir nung ita pezü tashi tensa mesüngjemtetba agi kaketshirtemi timtem kanga ajangshiba sülen parnok atema osang tajung kaji, tanü Jammu & Kashmir sorkari kaketshir ajak temaba class-i ajungketjang, ta tetuyuba agütsüba den külemi takümbo “No-Detention” policy alitsü, ta metetdaktsü.
State Education Minister, Naeem Akhter-i, class 10 aser 12 dak alaka school kaketshir ajak temaba class-i tudaktsür, ta metetdaktsü.
Class 12 aser class 10 class November 14 aser 15 nü class tenzükogo aser syllabus nung aliba shilem 50 dang agitsü sorkari tuyuogo.
“Kashmir nung sorkar school aser recognized nija school ajak nung Class 5 nungi 9 tashi aser class 11 kaketshir ajak temaba class-i ajungkettsütsü,” ta School ketdangser kati metetdaktsü.
July 8 nü India sepaitemi Hizbul Mujahideen commander, Burhan Wani tepsetba sülen Kashmir nung longkak sashia aitba ajanga tesem ajaklen tensa mejungi liasü. Ita pezü tashi nüburtemi sepaitem den raraa longkak aitdang nisung 86 asü aser merirjang aika yirua liasü.