JKLF tongti Yasin Jail nungi chiokogo

Srinagar, October 30 (Agencies): Jammu Kashmir Liberation Front (JKLF) mendenbuba, Mohammad Yasin Malik ita pezü jungnüa Srinagar nung aliba Central jail nung puoka ayuba sülen tanü nikongdang chiokogo, ta ketdangsertem osang ka ajanga metetdaktsü.
July 8, 2016 nü Hizbul Mujahideen commander, Burhan Wani den par züngsem ana India security sepaitemi kahsetba sülen ghonda ishika tsüngda Malik ya par kidang nungi apu.
Malik apuba sülen tamasabo pa Kothibagh police station nung ayu, iba sülen Central jail nung puoka liasü.
Malik den Hurriyat Conference telok ana nungi lenir– Mirwaiz Umar Farooq aser Syed Ali Shah Geelani nungeri anir Kashmir nung anogo 113 tashi longkak aitdar. Iba mapang nung nisung 85 süogo aser merirjang aika yiruogo.
Mirwaiz-a ita ana tashi pua ayuba sülen Hombarnü sub-jail, Cheshmashahi nungi chiok, ajisüaka maneni house arrest kübok lir.