JKLF tongti, Yasin Malik puogo

Srinagar, July 21 (Agencies): Hokolbarnü Srinagar nung police-i Jammu & Kashmir Liberation Front (JKLF) Mendenbuba, Muhammad Yasin Malik puogo.
Hokolbarnü Muslim nunger sasrasadem sentong tembangba sülen Malik leniba nung UN Military Observers Group in India and Pakistan (UNMOGIP) headquarters-i oa longkak aittsü lia pa Druggen tesem nung apu.
Police-i Malik den pa pusemer kar densema apu.
Kashmir nung tai maket nisungtem tepsetba anema NMOGIP kima mener longkak aittsü atema Separatists-i ayongzüka liasü.
Ketdangsertemi UNMOGIP Headquarters leni aoba lenmang ajak nokdanga nisung mesüra gari kecha mesenzüdaktsür, ta police ajanga metetdaktsü.
Ano Jammu & Kashmir nungisa tanga osang ka nung, tanü Kashmir, Budgam district kübok Beerwah tesem nung security sepaitem aser long amshia longkak aiter raratepdang arishi küm 18 tebur ka asü aser ka yiruogo.
Tanü nikongdang Beerwah jila nung Hokolbar sarasadem tembangba sülen lokti kati 53 Rashtriya Rifles indang garitem dak long agi aon, ta police ketdangser kati ashi.
Ketdangserisa, long agi aonertem pakshidaktsütsü atema police-i injang yok, aser iba mapang nung lanur ana yiru, ta ashi.
Yirua alir rongnung nisung ka tenüng agi, Tanveer Ahmad Wani mekümzkteti asü aser ka hospital-i anir oa yaridar.
Lanur ka tepsetba sülen Beerwah jila den temeket nung aliba tesemtem nung tensa raksaogo, ta ketdangserisa metetdaktsü.