JLo-i ‘JCo’ James Corden dang tsüngsangtsü sayur

Los Angeles, March 30, 2016 : “The Late Late Show” sentong ketdangser James Corden nem kentener aser actress Jennifer Lopez-i tsüngsang dang meteta alitsü yimya kar sayuogo.

“The Late Late Show” küm ka ajungba ‘Carpool Karaoke Primetime Special episode’ sentong nung Lopez-a arua aden.

Iba sentong nung Corden-i, Jeniffer Lopez tenüng JLo aser pa tenüng JCo ta amshi nung ajungtsü ta benok.

Lopez-i “Ana senteper Rap music ka yanglu nung ajungtsü ama nibo bilemer,” ta ashidang, iba sentongji Las Vegas nung lapoktsü, ta shisemba hollywoodreporter.com osang ajanga metetdaktsü.

Iba sülen Lopez-i Corden dang la indang music video koma asütsü ibaji sayu aser la phone nung aliba medemertem, Leonardo DiCaprio, Demi Lovato, Bradley Cooper aser Iggy Azalea nunger indang phone number tem dena sayu.

Iba mapang la phone ji ni ngudangba phone ajak danga tajungba liasü, ta Corden-i ashi.

Corden-i Lopez indang phone nungi DiCaprio dangi lai yoker ama text yokdanga liasü.

Iba sentong nung tenati “Love don’t cost a thing” aser “Booty” kenten aten aser Lopez temang shilem kar ‘insure’ asütsü olemtepa kar agir alitsü südi ta bilemer.