JNU agi Netaji Subhas Chandra Bose University melentsüa akok

New Delhi, June 22 (Agencies): BJP student wing, ABVP-i akhangba nung ajemdaker Jawaharlal Nehru University (JNU)-i University indang central library dang BR Ambedkar Library ajatsü atema agizükba asoshi Bodhbarnü Bharatiya Janata Party (BJP) lenir, Subramanian Swamy-i pelaba olen ka jembiogo.
Swamy-i aiben, iba nüngtugu reju merüktettsüla ta jembia arur aser pai, “JNU central library agi Dr Babasaheb Ambedkar nüngja melentsü ta tepela nung sangdonger. Kobi melii JNU ji Netaji Bose University ta melentettsü asü (?) Iba ya sobaliba asüngsashiba ka lir,” ta ashi.
Iba dak sentakba nung JNU nung Left teloktemi ABVP-i akhangbaji aitsüogo.
Ato kilonser, Narendra Modi-i Subramanian Swamy nem Finance Ministry agütsür asü, ta Congress lenir Digvijay Singh-ia aitsüogo.
Taküm küm tetenzüklena BJP MP, Swamy-i, bachelor course nungi graduate masürtem aser küm asem nung master degree mangurtembo university nungi anentsütsüla, ta jembia liasü.