JNU kaketshir anema temerenshi ajak agientsüla: MPs

New Delhi, May 06 (Agencies): Jawaharlal Nehru University Students’ Union (JNUSU) Tir, Kanhaiya Kumar densema JNU kaketshirtem nem temerenshi agütsüba sülen Kanhaiya lumia lungkak aitba mapang ka nung Hokolbarnü opposition party MP temi Tir, Pranab Mukherjee dang kaketshirtem anema temerenshi agientsü mepishiogo.
Tanü Left party tem aser Congress densema opposition party tem nungi MP teshimtet telok kati Tir, Pranab ajurua liasü.
Tir ket nung agütsüba temepishiba shidi nungji MP temi, “VC aser university ketdangsertemi kaketshirtem anema temerenshi agütsüba ajakji tangsa agientsüla. Tang tagitak ken o metembang tashi onoki atatsüsa akümtsü, iba nungji nai hai-haura akatsüla,” ta shia lir.
MP tem jagisa, JNU ya India nung Univerity tajungtibatem rongnung ka lir aser alima-ia züngshir, iba ken o ajanga university  tenüng menüktsüogo, ta ashi.
“Meyanglushitettsüsa aliba tensa ka nung onoki nü nem tiyongi aita inyakdaktsüner,” ta MT temi Tir dang ashi.