JNU kaketshir Umar aser Anirban na anogo 14 atema pua lir

New Delhi, March 1 (Agencies) : India anema yimyim tamajung ayimba dak sentakba nung JNU kaketshir Umar Khalid aser Anirban Bhattacharya na anogo 14 nü tepuokdak ayutsü atema Mongulbarnü court ka ajanga tetuyuba agütsüogo, ta osang kar ajanga metetdaktsü.
Tena chioktsü mapang tonger liasü ajisüaka ano tebilemtsü bener arutsütsü ta temulung melemi bilemba ajanga South Delhi police station magistrate nem agütsü, ta osang ajangasa ashi.
Jawaharlal Nehru University (JNU) nung kaketshir ana, Khalid aser Bhattacharya na dang anogo ka talila asüngdangyatsü asoshi Hombarnü magistrate-i police nem temelaba agütsüogo.
Kaketshir anaprong yagi taoba Mongulbarnü university kima police nem tena sasa arua pudaktsü.
Parliament amaker Afzal Guru alenseta südaktsüba dak sentakba nung February 12, 2016 nü JNU kima sentong ka akadang India anema yimyim ayimogo ta tai tonglokja JNU Student Union Tir Kanhaiya Kumar apuba sülen Khalid aser Bhattacharya na anema ken o ka, Vasant Kunj police station nung benoka liasü.