Joe Perry concert nung laoba sülen tangbo junga lir

Los Angeles, July 12, 2016 : Aerosmith kentener telok nung guitarist Joe Perry Hollywood Vampires telok den külemi kenten sentong ka nung shilem agidang sabang tesülen laoba sülen tangbo junga lir.
Coney Island Boardwalk, Brooklyn nung aliba Ford Amphitheater nung July 9, 2016 nü kenten sentong ka nung pa lao, ajisüaka tangbo pa kinungertemi kanga junga anepaludar aser tajungba lir, ta külem telok nungi Alice Cooper-i Twitter ajanga parnok sapurtem den lemsatepogo, ta aceshowbiz.com osang ajanga metetdaktsü.
Iba kenten sentong tenzüker second 30 shi tang lir Perry temang mejungi küma sabang tesülen lua lao.
Parnok sapurtemi ashiba agi, iba aonung Perry temang manemi alibaji kanga achiteta liasü. Pa sabang nungi malu tsüngda agiba noksa ka nung drum ayuba sabang nung mener guitar atemba adoka lir. Pa sabang tesülen lua mangmanga aita lao asütsü akok, ajisüaka Emergency Medical Technicians (EMTs)-i pa yaria shia arudaktsü.
Iba sülen pa Coney Island mozükidangi ilonga bener ao. Idak nungjagi pa Columbia Presbyterian mozü kidangi anir oa liasü.
Perry sabang tesülen laoaka Hollywood Vampires temi maneni kenten sentong metitemi agia liasü.
“Nenoki onok den adianu ka  tang sabang nung manguba ya kechiba süra pa iba sentong medenzükdang yongi temang kanga mejungi liasü,” ta Cooper-i ashi.
Telok dang pai, “Joe na tekaraba nung anepang,” ta külemi ashitsü ajungmeso.
Iba kentener teloki Hollywood actor Johnny Depp-a anisema liasü.