Joelle King-i Hong Kong takok marok agizükogo

Hong Kong, May 28 (Agencies): New Zealand tsür, Joelle King-i India tsür, Joshna Chinappa madak final asaya koka Hong Kong nung ayongba PSA HKFC International squash asayamong takok marok tanü, Honibar nü agizükogo.
Tan asayamong nung temaba jenjang abenla, Joelle-i tanü minute 45 nung points 11-9, 11-9, 9-11, 11-9 ngua Joshna madak takok ngua liasü.
Tan asayamong nung 3 buba jenjang abenla, Joshna-i Joelle den tan agi 8 tashi ajurutepa asayadang asaya ka dang koka lir.
World No. 12, Joshna-i tanü mezüngbuba asaya nung points 9-8 agi temaba jenjang ngua asaya saka World No. 9, Joelle-i points 3 tashi atonga ngua, asayaji kokadok.
Joelle-i maneni tanabuba aser tasembuba asaya nunga takok ngua shilem agiba ajanga lai tanü final asayaji kokadok.