Johanna Konta-i Michael Joyce coach asütsü shimtet

December 7, 2017 (Agencies): British world number nine Johanna Konta-i October ita la indang coach Wim Fisette den pilaba sülen 2018 season atema America nunger Michael Joyce la coach asütsü asoshi shimtetogo.
Arishi küm 26 tain asayar ya 2017 küm kanga junga asaya tenzük aser lai Sydney International aser Miami Open koka la indang career nung jenjang tajungtiba nguteta liasü. Lai pezübuba jenjang tashi tonga asayatet saka yiruba aser form majungba ajanga WTA final nung asayatsü asoshi maongka mongutet.
Arishi küm 44 tain Joyce-i taoba mapang nung Maria Sharapova den külemi inyakogo aser pai la grand slam ana tashi takoki aniogo. Pa maneni Victoria Azarenka dena inyakogo.
Konta 2018 season Brisbane International asayamung nungi asayaa tenzüktsü, koba December 31 nungi tenzüktsü asoshi renema lir.