Johanna Konta Nottingham asayamung quarters tongogo

Nottingham, Aami 15 (Agencies): Yangtepnü Nature Valley Open round tanabuba tetsür kija tennis asayadang British nunger number one, Johanna Konta-i kasa linük nungi Heather Watson madak 6-4, 7-6(5) agi akok.
Konta ya 2017 kasa asayamung nung runner-up ngua lir aser taoba küm Wimbledon semi-final tonga asayaba ama taküma lai tajungtiba nung asaya arudagi.
Asaya tenzüker tanabuba set nungbo arishi küm 27 tain, Konta ya world number 69, Watson-i akoktsü ama asaya, saka lai asendenshir tajungtiba nung asayateta quarter final nung Slovenia tsür, Dalila Jakupovic den asayatsü jangjaogo.
“Iba asaya kanga tasak liasü. Kasa lisopur den asayatsü ta tasak lir,” ta Konta-i asaya temer ashi.
World number 156, Katie Boulter ya British tsür lir aser taküm iba asayamung nung wildcard ajanga asaya nung shilem agir. Arishi küm 21 tain, Boutler-i jenjang 53buba nung alila, Australia tsür Samantha Stosur madak 7-6 (6), 6-1 agi akok.
Boutler ya quarter final nung Ashleigh Barty den asayatsü, shibai China tsür, Yingying Duan madak 6-3, 6-2 agi koka lir.
Iba asayamung defending champion, Donna Vekic-i Belarus tsür Vera Lapok madak 6-2, 7-6 (6) agi kokogo aser lai Germany tsür, Mona Barthel den asayatsü.
Kasa asayamung tebur kija asaya ka Rogonü asayaba nung Britain nunger Dan Evans-i Canada nunger Brayden Schnur madak takok ngua ATP Challenger semi final-i tanaben atonga iogo.
Evan ya cocaine achiba ajanga küm ka asaya nung shilem magitsü tenokdangba agüja liasü aser pa tanü asaya nung 7-6 (7-5), 6-3 agi Schnur akok.
Küm ka asaya nung shilem magitsü asoshi tenokdangba agüja aliba Rongchii/April nung tembanger match 18 asayaba nung arishi küm 28 tain, Evans-i 15ben kokogo.
World ranking nung jenjang 530buba nung alisang, Evan ya semi final nung spain nunger Marcel Granollers mesüra India nunger Ramkumar Ramanathan den asayatsü.