John Abraham Marathi film producer akümer

Mumbai, November 10, 2016 : Bollywood actor John Abraham Marathi film industry nung producer ka ama inyaktsü aser iba film ji sangküm nungi tangoktsü.
“Dishoom” film nung tongti shilem agisangi tan “Fugay” film direct asüla, director Swapna Waghmare Joshi-a iba film atema ayonga lir.
“Ni Marathi film tan mezüngsüa produce asütsü aser kü den Swapna-a adentsü. Iba film ya March ita nungibo tangok tenzüktsü imlar. Iba film indang script kanga junger. Ni la den külemi inyaktsü maongka aguba ya tia kanga taka amai bilemer aser ni iba film tangoktsü kanga yongyar,” ta John-i yangsüng osangbenertem den jembidang ashi.
John-i, Marathi film industry nungi film tajung aika adoker anungji Bollywood-a parnok dang angazüktsü lir, ta ashi.
“Tanü asüng Marathi cinema tem ajak dang tajungba kümdar. Lia lia iba film industry tamajungba mekümdaktsüner,” ta pai ashi.
“Hindi film tem Marathi film tem dang nungi angazüktsüla, ano Malayalam film tem dang nungia angazüktsüla kechiba süra item film tem Bollywood film tem dang nungi tajungba lir. Asenoki iba item sempet reprangzüka Hindi cinema ajungkettsüla,” ta John-i ashi.
Pai item o ya Marathi trailer film “Fugay” ajungketba sentong nung jembidang ashi.
“Fugay” film nung Swwapnil Joshi aser Subodh Bhave nati tongti shilem agia lir aser December ita nung sayatsü.