John Abraham & Sonakshi Sinha nati Force 2 sayaogo

New Delhi, September 28 (Agencies) : John Abraham-i tongti shilem agiba film- Force 2 indang poster mezüngbuba sayaogo.

Tawa tu arishi küm 43 tain John-i Instagram nung iba noksa sayua liasü. Force 2 ya Abhinay Deo-i direct asü.

Poster nung John Abraham aina adoka lir aser ‘The R.A.W Truth’ o ‘A dead soldier is a martyr…a dead spy is a traitor,’ ta zülua lir. Iba ajanga John-i film nung RAW agent ka ama shilem agir alitsü akok ta bilemer.

Pa den külemi shilem agir Sonakshi Sinha-ia Instagram nungsa la aliba poster ka sayuogo. Iba ajanga Sonakshi-i film nung ‘R.A.W Mission’ ka ama tongti shilem agir ta angateter.

Mezünguba Force film nung Genelia D’Souza Deshmukh-i shilem agi aser tanabuba film nung taoba mapang anena aliba nungi tenzüktsü asü-masüar memetet.

Force 2 ya November 18 nü sayatsü.