John aser Sonakshi naji ka atema ka yanglu amai:Shatrughan Sinha

Mumbai, November 19 (Agencies) : Actress Sonakshi Sinha-i, kübo aser actor tejen Shatrughan Sinha-i ni “Force 2” film nung shilem junga agitetba atema tenüngsang agütsü aser pai John Abraham künaji ka atema ka yanglu amai (“made for each other”) ta reprangtet, ta ashi.
John dang tang tashi nung osang tajungtibaji kechi angashia lir ta asüngdangdang pai, Sonakshi tebui ashiba osangji lir, ta langzü.
Sonakshi-i, “Force 2” film Delhi nung sayuba mapang kübuia reprangogo, iba film nung Tahir Raj Bhasin-ia tongtibang shilem agia lir, ta shisem.
“Pa iba film reprangi aodang par medemer kar den police commissioner dena anir ao. Parnok ajaki iba film kanga junger ta ashi. Tang tashi nung kübui kü den külemi shilem agiba nisung ka den tanga call süa mejembidangi liasü, ajisüaka tanbo pai John den call süa jembi aser iba den külemi tena ya ka atema ka yangluba mesüka lir ta ashi. Pai iba film atema kanga pelar aser nema tanga bilemer. Ni atema pai yamaji ashibaji teperi,” ta lai ashi.
Arishi küm 29 tain, Sonakshi-i, “Küboi iba film direct asüsang director Abhinay Deo indang phone number-a meshia pa den jembiogo,” ta ashi.
“Shatrughan Sinha-i par jala den mejemdang kü dangi tama call süa jembiba atema ni kanga pelar,” ta Deo-i pelaseta ashi.
Actor Akshay Kumar-i kü dangi call süa iba film nung action agi kanga jangra atemba lemsatepogo, ta Sonakshi-i ashi.
John Abraham aser Sonakshi Sinha nati tongti shilem agiba “Force 2” film sayar mezüngnü sen crore 6 aatetogo.
Sen nokdangba tensa ka nung süaka Hokolbarnü “Force 2” film sayaba sülen iba film yagi India nung sen crore 6.05 tashi aatetbaji John-i shilem agiba film rongnung mezüng nü sen timtiba aatetba film kümogo, ta film yanglurtemi sangdong ka ajanga metetdaktsü.
“Force 2” ya nisung kati India nunger intelligence agency – Research & Analysis Wing (RAW) agent tem tepsettsü merangba otsü lir.