John Lennon kinüngtsü, Yoko Ono temang mejungi lir

New York, February 28, 2016: Akhidang nüngtugu kentener telok, Beatles züngsem, John Lennon kinüngtsü arishi küm 83, Yoko Ono New York nung aliba hospital ka mungogo.
Doctor tetuyuba nung Yoko Oni Mount Sinai West hospital-i anir oa liasü.
Yoko Ono ya stroke asü ta olulu jembia liasü, ajisüaka la atema otongdar, Elliot Mintz-ibo, la stoke masü aser kobi melii la hospital toktsütsü, ta jembia liasü.
Tawa Ono nem NME Inspiration Award agüja liasü aser lai, “Ni maneni music yanglutsü. Anisüngzüktsü atema ni bilema mali,” ta shiogo.
Ono ya John Lennon den kibong akümba aser pa kasetba küm, 1980 tashi tena külemi dang liasü aser tang tashi la tena aliba kidang lidar.
Japan tsür Ono ya kentener, kenzülur aser yimjung atema inyaker ka lir.

You must be logged in to post a comment Login