John Mayer-i Miley Cyrus kensep tasenba tushir

October 06, 2015: Kentener John Mayer-i Miley Cyrus indang kensep tasenbaji kanga monginsa adokba lir, ta ashi.

Arishi küm 37 Mayer-i “Wrecking Ball” ken atenla Cyrus indang kensep tasenba, Miley Cyrus & Her Dead Petz kanga tushiba den külemi pa kanga puaogo, ta ashi.

“Miley Cyrus kensep ya ajanga ni kanga puadaktsüogo. Ni ken meimbaji iba ya ajanga lir. Küm ka na artist asütsü akok aser iba sülen nü telungtiba nungji tesangwa ka adoka ajaklen sangwadaktsütettsü,” ta Mayer-i twitter ajanga ashi.

Arishi küm 22 Cyrus maneni tenüngsanga pai, iba kensep ya tesüngmangtsüka, ta ashi.

“Miley kensep ya tesüngmangtsüka. Iba ama yanglutsü ya nai memerangtettsü. Tang atemabo ni iba indang tweet asüba anendi. Iba ya mongini inyakba ka lir,” ta ashi.