Johnathone kinungtsü Krenila tanü nomination file süogo

Tura, Rongchii 9 (Agencies): Williamnagar constituency by-poll election tonga aruba mapang ka nung NCP candidate aser asür Johnathone N Sangma kinungtsü Krenila R Marak-i tanü Williamnagar, East Garo Hills nung nomination paper file süogo.
Krenila-i nomination paper file asüba ya Rongchii (April) 11 nü asadangtsü aser candidature agintsüba tatembangbuba anogoji Rongchii (April) 13 asütsü. Election ya Rongchii 27 nü akatsü asoshi lemteta lir aser vote tem Monupii (May) 1 nü azüngtsü.
Temetettsükaji Williamnagar Assembly constituency election ya Nationalist Congress Party (NCP) candidate Johnathone Sangma Tsüklai (February) 18 nü tepsetba sülen thinena liasü.
Party aser nüburtem taginüba angateta asür Johnathone kinungtsü Krenila-i kinungbo melena iba election nung tokteptsü asoshi telemtetba agiogo.
Iba election ya Rongchii (April) 27 nü 7:00 ako nungi 4:00 ako tashi akatsü. Iba constituency nung polling stations 58 aser voter 32,345 lir. Voter tem rongnung tebur 16,713 aser tetsür 15,632 lir.
Williamnagar constituency atema candidate ajak agi parnok 9 tokteptsü. Parnok rongnung – NPP nungi Marcuise N Marak, Congress nungi Deborah C. Marak, UDP nungi Mahamsing M. Sangma, BJP nungi Santosh R. Marak aser independent candidates tem rongnung Sengbath R Marak, Lahatson N Marak, Siljong R. Marak aser Jan N. Arengh densema lir. NCP candidate Krenilla Marak indang nomination paper asadangba sülen ang la iba election nung tokteptsüba jangjatsü.