Johnny Lever aser par jala na US nung külemi shilem agitsü

November 26, 2015: Film actor Johnny Lever aser jala, Jamie na 2016 küm US nung külemi shilem agitsü.

Aartwo LLC-i Sistar Mortgage aser Indus American Bank na den lokteper ayongtsü aliba sentong ya sangküm April ita nung akatsü renema lir.

Johnny-i New York, Los Angeles, San Francisco, Atlanta, Dallas, Chicago, San Jose, Houston aser Washington DC yimtitem nung shilem agitsü sentong lir.

“Onok ya anema aliyim tsütsü inyaker telok ka lir anungji menübaji mozü tajungtiba ta jangja lir. Aji oda, company ka ama US sema sabang nungi wawa-menüdaktsütsü (stand-up comedy) sentong yangludang Johnny Lever dak alaka tangar tenüng mesüra brand shinga pa alema mali ta meteta pa jaok,” ta Aartwo LLC kibur Ritu Rastogi-i sangdong ka ajanga ashi.

Johnny-i sabang nungi wawa menüdaktsütsüji pa mezüng meimla mesüka lir, ta lemsatepogo.

“Ni alima tesem aika nung iba ama sentong aika nung shilem agidangogo, ajisüaka US sentong ya balaka lir kechiba süra kü jala, Jamie-i tan mezüngsüa kü den külemi shilem agitsü,” ta “Dilwale” film nung shilem agisang, Johnny-i ashi.