Johnny Lever sempet ngur Kajol süngmanger

October 26, 2015: Johnny Lever den “Baazigar”, “Ishq” aser “Kuch Kuch Hota Hai” film tem nung külemi shilem agila, actress Kajol-i, Johnny Lever ya kanga dang temenenütsü aketba nisung aser pai shilem agiba ajak agi nüburtem menüdaktsür, ta ashi.

Kajol ya Rohit Shetty-i direct asüba ‘Dilwale’ film nung ano Johnny Lever den külemi shilem agidar.

Lai, “Pa ya tesüngmangtsü ka lir. ‘Baazigar’ film mapang nungi tang tashi kasa dang,” ta ashi.

“Pai ‘Dilwale’ film nunga kanga sashia menüdaktsür. ‘Baazigar’ film mapang nungi tang tashi nung ni shinga pa amai majurudang. Pa dak teti temenenütsü yimya keta lir,” ta Kajol-i ashi.

“Pa dak tang tashi iba ama tepela shisatsü aliba ya tesüngmangtsüka lir kechiba süra nisung aika dak iba ama shisatsü talanglang malir. Ni pa sempet kanga akümtsübur kechiyong nisung ka jepdaktsütsü merangba dang nungibo menüdaktsütsü tasakba lir,” ta laisa ashi.

Red Chillies Entertainment-i Produce asüba ‘Dilwale’ film nung kang dang teputep couple, Shah Rukh aser Kajol na külemi tongti shilem agiba angutsü. Film nung Varun Dhawan aser Kriti Sanon natia tongti shilem kar agia lir.