‘Join the India Army’ sentong agiogo

Kohima, Aenjeti/January 15 (TYO): HQ IGAR (North) tetuyuba kübok Zunheboto Battalion aser Jalukie Battalion, Assam Rifles nati Aenjeti 14 aser 15, 2019 nü Government High School, Zunheboto, Haraka School aser GPS Tening kaketshirtem atema ‘Join the Indian Army’ sentong ka ayonga agia liasü.
Iba sentong ya kaketshirtem dang eligibility criteria, entry scheme tapu balala, pay aser emoluments, training aser Armed Forces nung adentsü atema maongka balala aliba indang tem metetdaktsütsü nükjidong nung ayonga agi.
‘Join the Indian Army’ sentong nung Government High School, Zunheboto nungi kaketshir 123 aser Haraka School o GPS Tening nungi kaketshir 40 aruagi denogo.