Dimapur, November 15 (TYO) : November 12, 2016 nü Joint Secretary (Incharge of North East) Ministry of Home, Government of India, Satyandra Garg-i VG & Women Development Parliamentary Secretary, Khumo den külemi International Trade Centre (ITC) Pangsha semdang.
Iba mapang Joint Secretary, Satyandra-i Khiamniungam Tribal council (KTC) aser Pangsha nunger den senden amen. Iba mapang pai VGs indang salary tutsütsü nangzük aser ano ENPO-i akhangbatem süoki ia bilemer ta ashi.
Iba mapang Ex-Minister, Pongom-i Pangsha nung mezüng VG tentetba osang metetdaktsü aser paisa yimertemi India sorkar akhümtsübuba shisem.
Joint Secretary MoH-i ITC Pangsha semdang added by nungsang on
View all posts by nungsang →
You must be logged in to post a comment Login