Joko BlackBerry, Nokia aser Android tejentem ajanga WhatsApp mamshitettsü

New Delhi, February 28 (Agencies): WhatsApp tan hopta küm tenet ajungtsü aser parnoki joko BlackBerry aser Nokia sabangtem toktsür, ta sangdongogo.
Company-i parnok indang blog post ajanga ashiba agi, 2009 küm parnoki WhatsApp lapokba mapang BlackBerry aser Nokia nati noklang nung shilem 70 amshia liasü. Google, Apple aser Microsoft ajanga amshiba mobile operating system temi tesüiba mapangtem nung noklang nung shilem 25 yokteta liasü saka tangbo noklang nung shilem 99.5 tashi yokteter.
Tamshirtem atema security tashi taitba akümtsü mechi nung WhatsApp Messenger ya BlackBerry, BlackBerry 10, Nokia S40, Nokia Symbian S60, Android ajanga amshiba oset tejenbatem—Android 2.1 aser Android 2.2, aser Windows Phone 7.1 sabangtem nungi WhatsApp-i 2016 tatemlen nungibo anentsü.
Parnoki ashiba agi item operating system tejen ajanga tarutsü nung WhatsApp tajungba küma renloktsü lenmangtem mesüa kümdaktsür,anungji Whatsapp amshirtemi sabang tajungbai upgrade asütsü metetdaktsür.

You must be logged in to post a comment Login