Joko Election mapang arudar ?

– S. NUKEN LONGKUMER, Naga United Dimapur.

Election mapang napong tepurchi ana apu tiyong nung ajuruteptsü mapang arur! Iba aputo tilaka dang liasü ta ashir! Tzü to kanga tarok idakji rara adok nung tenaprongla taküm samatsü metsübu tepurchi aser samaro chilu inyak, takok angutsü ta yimla-a arishitep tenzük tenaprongla taküm sama?
Tena rongnung shibai aremzük! Pa samaro masü! Yamaji election mapang sen jendi yokteper, shibai anendir pai takok mangutsü, iba tensa ka nung shiba samaro makümtsü? Election mapang nung indokba rongsen tosa bushitsüsa akümtsü! Nai takok menden tongteter külen Naga nunger atema mapa tajung inyakdima? Iba tia jagi Naga nunger timatemer! Otsü kaket aser osangtem nüna kwiben züluteptsü? Aika züngshiogo ajangshiogo! Tanü tulu aser takartem tenük pokadoker parnoki mangur! Anungji telok adenshia yutsür shirnoki Naga nunger meimer parnok nem o jembidaktsütsü, shiba tajung nüpurtemi angatettsü! Iba sülenbo pei mulungba nem vote agütsütsü (Nü vote ochishia agütsütsü) sen ya temenen tera tulutiba idaki taküm jendi samatsütsü tashitait maparen tene lir! Rongsen dang lira, jangratemtsü par meyong saka kodak lima alitsübo tashi malitsü amai bilemer! osang kaket nung asenoki tashitemeteteri züluba züngshiogo mapa inyaktsü temela masü? Sensakeribo temerük election maginütsü akok! Kechiba tulur aser takari sensaker memeimer! Idaki mapa aika sendaka lir! Politics asaya dang taküm jendi ajuruba ajangshia aruogo! Tebilemba matong tejashi agi yi jema taküm sama! Otsü aika angutsü, saka mezülumatsü mejembimatsü! Ochi ya tatempang! Nai RCC Kohima, Dimapur, Mokokchung nung yanglubaji ochi asü? Shinga tajung mali melenshidi, joko ochi rara adokdaktsütsü aramesoang, renemang Naga lanurtem? Tanü Nagalima nükshi ayimbaji anogo ka nung sen 20 manguba 90% lir?? Saka MLA MINISTER aser tulurtem RCC aika yanglutena lir! Rongsen paikaji tekonglu inyakdang anguba asütsü? Mapa inyakerbo agiang chiang? Saka noklang shilem nung 30% chiangko, 70% ji alima aser nüpur asoshi inyakdang ochishia yimsü asürtemjibo arishi alitsü masü na!
Joko Naga nungertem mejanga teli! Tashi itang ano süang ACAUT telok tezü tanga tebilem! Nenok den Naga nunger meyirjang aika lir! Tsüngremi arishia yutsüangma, taoba mapang Naga nunger rongsen million aika tzüyim telungi yokogo, joko tanaben meyiba mangutsü? Taruba election atema lemang yanglutsütsü pur nem vote agüjang ta ayimtentsü ayonger? Ki Ki sema Good morning, ni jangratemdaktsüba ama Naga nunger aika pelateper alitsü südi! Kechiba süra nai ochi indang jembir, na ama samaro Naga nunger nüpo aika adokjang ta sarasademtsür! Mapang talangka Naga lima ammang tia nung lia arudang tejembir aser ola adoker maka pei kidang menayur, tangari jembiba aser inyakba dang repranga oli aruli ta liasü? Lennir tajung maka ama tetsübo tia nung küm aika süia yok? Iba mapang samara lenir maliasü madok!! Ochi jembiner saka tamalen pai nüpur rongsen aika chia arur liasü? Tanü lima kechi tia nung lir! GOVT tia majung opposition makaba stateji tazüngla ama kümogo? Liyonga aruba Govt. tia ajidangra tang aiba Govt. ya ajak rongnung tamajungba asütsü! Kechiba? Naga lima yanglutsü melena parnok menden tulubai atutsü raktep nüpurtem tejashi tia nung lir! Olulu aika jembia jajateper, tatem nung ochiba vote masü temenen vote agi tempangra ta tsübua repranger? Anungji iba asaya politics yimya memelenshira majungtsü? O yabo kanga tekara lir, temeli nung teret makaji? Saka mapa mesüra mangdang tasak lir.