Jolie-i ‘First They Killed My Father’ film direct asütsü

Los Angeles, July 24 (Agencies): Actress-director Angelina Jolie-i online stream asüba telok, Netflix den külemi lungjemer ‘First They Killed My Father: A Daughter of Cambodia Remembers’ film direct asütsü ta variety.com-i metetdaktsüogo.

Cambodia madak tashiyim agi yimsü asüba Khmer Rouge telok kübok alidang kaketzülur aser nübur temeten asoshi noktaker, Cambodia tsür Loung Ung-i ajangshiba otsü dak ajemdaker iba film ya yanglutsü renema lir ta osangi ashi.

Jolie-i iba film direct asüba dang masü saka produce asütsü renema lir.

Foreign oshi shilem nung Oscar sempet agütsütsü asoshi shimokba film, ‘The Missing Picture’ direct süa produce asüsang, Cambodia nunger Rithy Panh-ia Assistant director ka ama Jolie-i film direct asütsü maparen nung yariteptsü renemogo.

Film stream süa reprangertemi taruba 2016 küm tatembanglen nungi tenzüka iba film ya stream süa reprangtettsü.

Ung arishi küm 5 tain alidang, 1975 küm Cambodia nung Khmer Rouge yimli benok aser par teloki küm 4 shi yimsü asüdang tai maketba Cambodia nunger nisung million 2 dak reshikangshia tepsetba osang bushiteta lir.

Ung-i lar ki, Phnom Penh toksütsüsa aküm aser tila tanur sepai ka ama terenemshiba agitsüsa jenjang ajuru.

Tesülen, Ung-i ‘First They Killed My Father: A Daughter of Cambodia Remembers’ kaket zülu aser ibaji 2000 küm menünga adok.