Jolie-i jabaso Pax aser Maddox na mezüng mapa metetdaktsü

November 22, 2015: Hollywood actress aser film yanglur, Angelina Jolie aser la kinungbo, actor Brad Pitt na jabaso Pax aser Maddox na “First They Killed My Father” film nung shilem agitsü.
“Arishi küm 11 tanur Pax-i shilem aika agitsü. Iba movie ya tanur ka tangatetba dak ajemdaker yanglutsü” ta arishi küm 40 tain, Angelina Jolie-i people.com dang ashi.
“First They Killed My Father” movie ya Jolia-i direct asüba dang masü saka otsü züluba nunga la dena lir. Iba film ya Cambodia nung Khmer Rouge kübok azütokshi lendong atalokba otsü lir. Film ya lar jabaso Maddox nunger linük, Cambodia nung tangokdar.
Arishi küm 14 tain, Maddox-i iba film asoshi bushisüngdangba tsütsü yariteper. Tetsü, Jolie-i tan tatemsa yangluba film “By the Sea” nung production assistant ka ama inyaka liasü aser iba film nung la aser kinungbo, Pitt na küm 10 sülen külemi shilem agia liasü.
“Kodangsa film nung züktepba mesüra shi nung medemba jilushi aitsüsa adokdir jabaso-i küna alidak tesem nungi pilasa ao,” ta film zülur, director aser shilem agila, Jolie-i ashi.
Ni memeteti, pai anogoshi tangokba film jilushitem azüng aser künübo pai, oja script ya jangratemtsüka lir,” ta ashi.
Jolie aser Pitt na tanur pezü lir—- Zahara (10), Shiloh (9), aser jangrep Knox aser Vivienne (7).