Jorge Costa Mumbai City FC Head Coach asütsü shimogo

Luroi/August 15, 2018 (Agencies): Taoba Portuguese international asayar Jorge Costa Mumbai City FC head coach asütsü tanü shimogo.
Arishi küm 46 tain Costa ya asayar ka ama aser manager ka ama kanga dang takok tajung anguba nisung ka lir. Pai taoba mapang Portuguese clubs SC Braga Paos Ferreira, Romania club CFR Cluj, Greek club AEL Limassol aser Anorthosis Famagusta aser Gabon National Team coach mapa inyakogo.
Pa French Ligue 2 side FC Tours nung inyaka liyar tang Mumbai City FC den denogo. Peter Reid, Nicolas Anelka aser Alexandre Guimaraes sülen pa Mumbai City FC coach pezübuba asütsü, ta club sangdong ka ajanga metetdaktsü.
Kümtem tsüngda taoba Portuguese centre-back yagi international aser club football jenjang temaba nung asayaa aruogo aser item rongnung pa asoshi takok tulutibaji 2004 küm FC Porto nungi captain ka ama UEFA Champions League akokba asütsü.
Mumbai City FC CEO Indranil Das Blah-i ashiba agi, tanga candidate tem ajak rongnungi Jorge tejangraba, tibelemdangba aser professionalism alakteta tajungba liasü.
Costa shibai iba club den küm ka atema tenangzüktepba yangluogo, pai ashiba agi, “India nung sempet tajung aketeba asayar tajungtiba tem den shilem agitsü asoshi jangradema bilemer.”
Costa asayaa aruba mapang Portugal senior national team nungi 50ben asayaogo. Pai Seleos den külemi 1991 küm FIFA U-20 World Cup dena kokogo.