Jorhat district kübok yimtsüng 20 tzümetsüng agi timtemer

Jorhat, July 8 (Agencies) : July 8 nü tzünglu kanga aruba ajanga Assam kübok Jorhat district nung yimtsüng 20 den tema tzümetsüng ajanga timtemer.
Assam nung tzümetsüng ajanga nisung lakh 1.5 jungnüa timtemdar aser tzümetsüng agi timtemba tesem tamajungbaji northern Assam kübok Lakhimpur nung lir.
Lakhimpur nung nisung 52,000 den tema timtemdar aser ano Dhemaji, Jorhat, Golaghat, Nagaon, Morigaon, Barpeta, aser Biswanath district tem nunga nisung aika timtemer.
Osang angazükba agi, taküm Assam nung tzümetsüng ajanga ali hectare 6, 991.68 shi nung tsünüsenbongtsü raksaogo.
India nung urban floods atema mezüngbuba mock drill agibaji June 29, 2016 nü Assam yimtiba Guwahati nung agiba liasü aser July 7 nü yimti tzü agi metsüngbang.
Yaküm Assam tzümetsüng lendong balala nung nisung 40 den tema taküm sama aser nisung lakh 18 shi takoksa ajurua liasü.