Jorhat nung güntok tezü abener nisung 3 apu

Jorhat (Assam), April 17 (Agencies) : Assam kübok Titabor nung RPF personnel ka densema nisung asem ket nungi güntok tezü ka ngutetogo, ta police-i metetdaktsü.
Par asemji gari ka nung mener oya lia Na-Ali Dholi bridge anasa apu, ta Sub-Divisional Police Officer, Gayatri Sonowal-i ashi.
Par asemji Aminur Rahman, Sanjay Kumar aser Surjya Thakuria (RPF personnel) nungertem lir ta jangjaogo aser parnok ket nung seret 1.5 shi toudangba güntok tezüji bena liasü, ta laisa ashi.
Par asemji Mariani nung Inter-City Express train nungi alu aser gari ka nung mener Jorhat leni aodang len tom nung apu, ta SDPO-isa shisem.
April 9 aser 13 anogotem Kaziranga National Park kübok Burapahar Range nung güntok tepsetbatem rongnung ka indang tezü asütsü amai temulung melemi bilemer, ta Sonowal-isa metetdaktsü.