Jorhat nung National Institute of Design lapok

Jorhat, February 22 (Agencies): Union Minister of Commerce and Industry Suresh Prabhu-i Hokolbarnü video telecast ajanga National Institute of Design (NID) indang Jorhat kongsang lapoktsü.
NID ya Jorhat kübok Rajabari nung lir aser Prabhu-i o jembidang “iba Institute lapokba ajanga North East nung design asütsü jangrartem ajangzüktsü imlar” ta ashi.
“Jorhat NID dak design education dak rangloker lapoker aser iba ajanga digital aser indigenous technology tem kongshitsü” ta paisa ashi.
2019-20 nungi tenzüka küm pezü atema Textile and Apparel design, Communication design aser Industrial designs indang admission mapa tenzükogo aser kongsang asem nung kaketshir 20 agitsü, ta NID Director VS Ravishankar-i ashi.
“NID (Amendment) Act agizükba sülen NID tasentem nem tanga agüja aliba Graduate diploma certificates melena Bachelor degree certificates agütsütsü” ta paisa ashi.
Jorhat NID ya ali acre 30 nung lapok aser studios, It labs, workshops, library, mess aser kaketshir 233 atema hostels lir.
February 19, 2011 nü Prime Minister Manmohan Singh-i Jorhat NID yanglutsü indang lung azünga yuja liasü.