Jorhat nung shiti telok kati nisung ka ajemset

Jorhat, November 14 (Agencies) : Assam kübok Jorhat district nung arem shiti telok kati nisung ka ajemset. Iba lendong ya Jhanjimukh tesem nung atalok, ta police-i metetdaktsü.
Tesüiba anogo 15 tashi arem shiti telok kati alu nung senzüba ajanga tsünüsenbongtsütem raksatsü aser iba jagi yasüng Pursaram Choudhury den nisung pungu shititem aridoktsü atema ao, ta police ketdangser kati ashi.
Idangji shititem jagi nisung telok amak aser Pursaram ajemset, ta paisa shisem.
Hokolbarnü Jhanjimukh nung alirtemi NH-37 mokdanger district administration aser forest department-i shititemji Kaziranga National Park (KNP) leni meiner oang ta takhangba agüja lungkak aita liasü.