Jorhat nung tiyazü doctor kati tetsür ka tepset

Jorhat, August 7 (Agencies): Jorhat district kübok Teok nung tetsür ka tiyazü doctor kati anepaluba sülen asü.
Tiyazü doctor jagi tetsürla anepalur ta sür reshikangshi.
Hokolbar aonung Mariani kübok Hooloonguri tea garden nung tetsür ana dak arasentsür ta tai tongloktsür züka merenshia lia police-i kümzükba sülen Teok Bonai Gaon nung tetsürla asü.
Rajakhat Jyotinagar nung alir Robin Tamuly-i Jyotirupa Dutta (40) tashidak aneptsütsü ta shia anogo asemnü süng agi azük, ta police osang ka ajanga metetdaktsü.
Hombarnü Jyotirupa ji asü aser iba sülen iba tesem nung alirtemi police nem osang sangoktsü
Nisung telok ka adenshia ngua Tamuly-i par ki toktsür jena ao.
Pulibor Police Station officer-in-charge Mintu Handique-i ashiba agi parnoki Tamuly dang asüngdangya asütsü atema bushir saka pa menguteter.
“Ni tasür kibong dang Tamuly anema FIR ka benokang ta shiogo saka parnoki ano ibaji meinyak lir” ta Handique-isa ashi.
Tasür kibongi FIR mebenokyonga, police-i FIR suo moto benoktsü aser tiyazü doctor den iba tatalokba nung shilem agirtem merenshitsü, ta paisa shisem.