Guwahati, May 13 (Agencies): Jorhat Medical College & Hospital campus nung Assam health minister Himanta Biswa Sarma-i yipden 100 aliba mother & child wing lapoktsüogo.
Iba ya Assam health care sector nung terenlok mapa tuluka inyakba lir aser iba sentong nung Hitendra Nath Goswami, Assam Assembly Speaker, Kamakhya Prasad Tassa, Member of Parliament aser ketdangser aika aden.
Iba wing tasen lapokba ajanga Jorhat Medical College and Hospital kanga ulushiogo aser mozüki tasenba ajanga doctor, nurse aser paramedic staff shia nem quarter 12 agütsütsü. Iba mapatong inyakba nung sen crore 22.32 endoka liasü.
Maneni, Health Minister-isa campus nung terenlok mapa inyaktsü atema sen crore 120 agütsütsü ta osang metetdaktsü.
Jorhat Medical College and Hospital nung neo-natal care units aser neo-natal intensive care unit tem amenokogo.
Jorhat nung yipden 100 aliba mozüki lapok added by nungsang on
View all posts by nungsang →
You must be logged in to post a comment Login