Jorhat nungi apusoa aoba tayimtsü ka samar bushiteper

Guwahati/New Delhi, June 3 (Agencies): Hombar anüngdang Assam kübok Jorhat nungi apusoa aoba AN-32 transport aircraft ka sama aser Indian Air Force aser Army-i tayimtsü bushidar.
IAF aser Army C-130 aser AN-32 tayimtsü ana den helicopter ana amshia transport aircraft ji bushir.
“Tayimtsü tsükokba tesem asütsü akok ta osang kar angazükba sülen iba tesemi helicopter tem yok saka kecha mengutet” ta Indian Air Force (IAF)-i metetdaktsü.
Iba tayimtsü nung aircrew 8 aser passenger 5 mena liasü, ta parnokisa ashi.
IAF-i Indian Army aser sorkar o civil ketdangsertem den yaritepa samaba tayimtsü bushitepdar, ta IAF otongdar katia ashi.
Onoki aonung piyong anüng nungi aser Indian Army-i ali nung bushiba mapa maneni inyaktsü, ta paisa ashi.
AN-32 tayimtsüji tanü 12.27 ako meta Jorhat nungi apuso aser West Siang district nung aliba Mechuka Advanced Landing Ground nung anentsüba liasü.
Tanü nikongtsütsü 1:00 ako meta tayimtsü nungi ground agencies den tongtepratepba anen, ta IAF-i ashi.