Joshna Australian Open Squash 3 buba Round-i iogo

Melbourne, August 06 (Agencies): Brehostibar nü Joshna Chinappa-i New Zealand tsür Megan Craig madak takok ngua Australian Open squash asayamong tasembuba round tongtetba ajanga India nem teimla tulu agütsüogo.
Ajisüaka, teburtem asaya nungbo India nunger Mahesh Mangaonkar aser Harinder Pal Sandhu naprongla tanabuba round nung tsükadokogo.
Jenjang 6 nung alila, Joshna-i mezüng asaya nung jenjang 12 nung alila Megan makok saka iba sülenji lai mela mela ajateta tua takok angu. Aji oda süaka tang Joshna asoshi tebilemtsü tulutibaji tang jenjang 1 nung alila, Hong Kong tsür Annie Au den asayatsüba ya lir.
Tebur tarensen nung tang jenjang 6 nung alisang Mangaonkar-i asaya ana tashi nung Australia nunger Steve Finitsis akoktsü amai liasü saka tatem nungbo takok mongutet.
Ano külen, Sandhu aser tang jenjang 2 buba nung alisang Malaysia nunger Nafizwan Adnan na kanga toktepa asayar tatem nung Nafizwan-i takok angu.
Tanabuba round osang yamai:-
Tebur asaya nung Steve Finitsis (Aus)-i Mahesh Mangaonkar 7-11, 4-11, 11-9, 11-9, 11-7 agi akok, Nafizwan Adnan (Mal)-i Harinder Pal Sandhu 11-4, 7-11, 11-4, 13-15, 11-9 agi akok.
Tetsür asaya nung Joshna Chinappa-i Megan Craig (NZ) 5-11, 11-6, 11-6, 11-8 agi akok.