Joshna Chinappa New York Open Squash semi-i iogo

New York, October 04 (Agencies): India’er tetsür squash asayar, Joshna Chinappa-i tang New York yimti nung tasayadak Carol Weymuller Open squash tournament semifinal nung shilem agitsü jenjang yashi Hokolbar nü nguogo.
Joshna-i yashi points 11-9 8-11 5-11 11-8 11-9 ngua Egyt tsür Salma Hany quarterfinal nung tsükdaktsüba sülen semifinal nung shilem agitsü jenjangji angu.
Tetsür squash asayar tarensen nung World No. 20 jenjang abenla, Joshna-i New Zealand tsür, Joell King den semifinal nung ajuruteptsü.
Joelle-ia England tsür Sarah-Jane Perry madak quarterfinal asaya koka semifinal nung shilem agitsü jenjang anguba osang jangjaogo.