Hong Kong, May 27 (Agencies): India’er tetsür squash asayar, Joshna Chinappa-i semifinal asaya koka, tang Hong Kong nung tasayadak PSA HKFC International squash asayamong final asayatsü jenjang tanü, Hokolbar nü nguogo.
Tan asayamong nung 3 buba jenjang abenla, Joshna-i tanü points 8-11 11-9 12-10 7-11 11-9 ngua, defending champion, Hong Kong tsür, Annie Au madak takok angu.
Tan asayamong nung India tenüng nung maneni toktepa shilem agitsü jenjang ngua alir asayar kija, Joshna-i tanü ghonda ka shi nungi Au madak takok ngua liasü.
Tetsür World No. 13, Joshna-i temaba jenjang nung alir, New Zealand tsür, Joelle King den asüng, Honibar nü final asayatsü.
You must be logged in to post a comment Login