Jubilee mong melenshia mongdi

~ S. Tongpang, Luyong.

Tarutsü nung Jubilee amongtem kanga longsoloben mabi-i aser Arogo sentsüh khu pongpa-a mongtettsü lemang bushidi ta ayongzüker. Asadanga bilemra Arogo nung khuret tulu mapang shia ajurubaji Jubilee mong ya lir. Tamasa amongba sentsüh maoma lia tanabuba Jubilee ajurur. Aser yamaji Arogo küpok aliba department ajak melentepa Jubilee amongdang Arogo aser kija kibong-i ajak nungji shilem agir aser kibong jagi anarongtenakang anidaker, sensaker sürnung takar jilo ajir. Idangjibo Tsüngrem mapa ka inyaktsü melena Jubilee luji dang yimjunger.Tarutsü nung Jubilee amongtem kanga longsoloben mabi-i aser Arogo sentsüh khu pongpa-a mongtettsü lemang bushidi ta ayongzüker. Asadanga bilemra Arogo nung khuret tulu mapang shia ajurubaji Jubilee mong ya lir. Tamasa amongba sentsüh maoma lia tanabuba Jubilee ajurur. Aser yamaji Arogo küpok aliba department ajak melentepa Jubilee amongdang Arogo aser kija kibong-i ajak nungji shilem agir aser kibong jagi anarongtenakang anidaker, sensaker sürnung takar jilo ajir. Idangjibo Tsüngrem mapa ka inyaktsü melena Jubilee luji dang yimjunger.Khuret pungpa akümtsü asoshi inyakyim melenshidi, Jubilee among shia Planning committee meshimli. Committee shima arogo tashi dak anganga asameyangtettsü, kechiba süra pei nem lemzüktsübaji abensa-a meren-merena mongnür, ibaji nisung yimya dak aketba ka lir. Anungji Arogo bangdaki dang sentongji yanglua tongtibang nisung kar dang jaoka sentep kar agira Arogo tashi den puteptsü. Arogo küpok department shia kanga khuret küma mesüi Jubilee-ji amongtsü, saka otsü kaket mezülutsü, report dang bendena ayutsü. Arogo general Jubilee kodang mongdir idangji department ajak indang zülu nung junger. Aso yari dang soputsü nüngdak asünung ABAM-i inyakba menepa kodang local Arogo kati inyaktsü merangdir, Filista nunger walunir Goliat den raratsü, Saul raraba soputsü ajak Dawid nem soputsü nung menokdaktet ama, Arogo aser kibongtemji akümtsü. Tsüngremi moatsüba rongsen lalushibongba ka dang asütsü. Anungji benjung longsotsü dang-a mabili, minute 25 atema Tzüyim atena oa aliba nisung anir arutsü memerangli.Asenok tanü lokti tentet aika, mungdang mongji aika tenteta aliba lima nung lidaki.1. Tzükong mungdang2. Tzükong Students mungdang3. AKM Mungdang4. Watsü Mungdang5. Kin kidong Mungdang6. Gaon Bora Mungdang7. ABAM Mungdang etc.Mungdangtemji kar küm shia amonger, kar küm 2,3 nung amonger. Item ajak nungji Jubilee amongtsüsa akümer aser among shiaji saru lir.Ano iba denji yimtsüng aser Arogo sasep nung:-1. Pei yimtsüng sar menoktsü2. Arogo saru menoktsü3. Arogotsür saru4. CYE saru5. Students saru6. Mission wadang saru menoktsüKibong nung achiajemtsü, abensüoshi aser tanur nüngdak anepalutsü tapu kwika lir asenok ajaki meteta lir. Tebu jagi anogo nung Rs. 400/- dang aah arur. Asenok tia metettsü temalen noksa kar sayua aruogo. Rongsen ali nungdang Arogojia tashi aittsü, tanela-a tashi aittsü alinung rongsen amshiyim ken asadanga reprangdi aser Jubilee amongtemjia melenshia mongdi ta lemsateper.