Judge Loya asüba ken o bushisüngdang masütsü: SC

New Delhi, Rongchii 19 (Agencies): Tanü Supreme Court (SC)-i CBI judge, B. Loya asüba ken o bushisüngdangtsü atema temepishiba aika magizük; taoba mapang Gujarat nung Home minister aser tang BJP Tir teinyakdak, Amit Shah anema ken o ka angadangba mapang nung Judge Loya asü.
2005 küm Sohrabuddin Sheikh ken o nung Amit Shah nem tai tonglokja lir, ajisüaka Loya asüba sülen tanga Judge kati iba ken o nung pa maitsü.
Official records ajanga ashiba agi, Loya ya 2014 küm Nagpur nung temelungjang tashidak agi asü, ajisüaka par kinüngertemibo iba nungji temelung malemer.
Iba ken oji jurila tentet ka nem bushidaktsütsü atema Supreme Court nung temepishiba aika benoka liasü, saka tanü SC-i ibaji magizük.
SC-i Maharashtra sorkar dang CBI judge indang postmortem report agüjang ta ashi.
“Documents aser ibaji reprangdangba ajanga Judge Loya ji alima yimya nung asü ta kuli angur. PIL ji tashishitsüsa lir, ochi mali aser judiciary tenüng menüktsütsü atema merangba lir,” ta Dipak Misra-i aniba SC bench-i metetdaktsü.
Yaküm November ita nung Loya’er aianu kati par adianu asüba nung melung malemtsüsa lir ta jembiba nung ajemdaker media ajanga osang iba ken o asentenshija liasü.