Julia Roberts-i ‘Wonder’ film nung tetsü ka ama shilem agitsü

Los Angeles, May 6, 2016 : R.J. Palacio-i züluba otsü kaket nungi agizüka kaket indang tenüng kasa “Wonder” agütsür yanglutsü aliba film nung Hollywood actress, Julia Roberts-i tetsü ka shilem agitsü renemogo.
“Room” film nung Brie Larson den külemi shilem agia alisang Jacob Tremblay-i iba film tasenba nung Auggie Pullman ama shilem agitsü. Auggie ya tasodang nungi tejak tereprangtsü kanga mejungi asoba ama iba otsü ajanga sayutsü.
Roberts-i Auggie Pullman tetsü ama shilem agitsü, ta hollywoodreporter.com ajanga metetdaktsü.
Iba film ya Stephen Chbosky-i direct asütsü.
R.J. Palacio-i züluba otsü kaket ya 2012 February ita nung saya aser kaket adokba sülen tang tashi nung iba kaket million ana tashi yokogo.