Julia Roberts lar kibong den külemi yimjak nung angu

September 02, 2015: Actress Julia Roberts aser taoba mapang la kinungbo Danny Moder den tena tanur asem yimjak nung külemi nguogo, ta mirror.co.uk-i ashi.

Lar jakrep jabaso ana arishi küm 10, Phinnaeus o Hazel na, arishi küm 8 jabaso tanubusang Henry aser Danny Moder nunger den noksa tangokba mapang la kanga menürema liasü.

Julia Roberts aser küm 13 la kinungbo asüsang na ya tan surfer, Kelly Slater meyong fashion brand sentong ka nung ajurutepa liasü. Pretty Woman film nung tongti shilem agila, Julia-i iba mapang nung silk süoshi tanak sobur liasü. Lar jabaso tanubusang, Henry bo noksa tangoktsü kangarabo jangra maliasü saka jakrep anajibo kanga menürema ata.