Julianne Moore “Wonderstruck” film nung shilem agitsü

November 17, 2015: Hollywood actress Julianne Moore-i director Tood Haynes-i yangluba film “Far From Heaven” nung shilem agia liasü aser ano tan-a laisa Brian Selznick-i züluba tanurtem kaket nung ajemdaker direct asüba “Wonderstruck” film nung tongti shilem agitsü sentong lir.

Iba kaket nung 1972 aser ka 1977 kümtem nung asoba, tanur tenarong tajak ana, New York yimti-i jena aoba otsü lir. Tena tsüngda küm aika agi pila liaka tena tesendaktep tangatettsü tasak ka agi sentaktepa lir, ta hollywoodreporter.com ajanga metetdaktsü.

Selznick-i 2011 küm “The Invention of Hugo Cabret” otsü-a zülua lir aser iba otsü nung ajemdaker Martin Scorsese-i “Hugo” film yanglua lir.

“Wonderstruck” film atema Selznick-i script zülutsü.