July 02 nü Mkg nung shishilembaba tesem shibangtsü

Mokokchung, June 30 (TYO): June 28, 2016 nü Naga linük lenir, GPRN/NSCN(IM) Mendenbuba, Isak Chishi Swu alima nungi pilar Naga nunger litsü ajak nung mangyimba den külemi Mokokchung nunga asür nem akhüm agütsüba temaitsü MCCI leniba kübok July 02 nü anüngdang 11:00 ako nungi nikongdang 1:00 ako tashi dokan aser shishilembaba tesem ajak shibangtsü, ta MCCI-i tanü sangdong ka ajanga metetdaktsü.
Dokan aser shishilembaba tesem shibangba mapang ya Naga lenir Isak’er tasoyim, Chishilimi nung asüpila sentong akaba mapang den kasa asütsü, ta kasa sangdong nung shia lir.