July 17 nü India Tir election agitsü

New Delhi, June 7 (Agencies): July 24, 2017 nü India tir Pranab Mukherjee indang kümsük tembangtsü aser iba atema Bodbarnü Election Commission of India (ECI)-i July 17 nü tir election agitsü osang metetdaktsüogo.
Tir election indang vote ji July 20 nü azüngtsü aser iba dak sendakba nung June 14 nü osang ka agütsütsü, ta Chief Election Commissioner Nasim Zaidi-i osangbener dang ashi.
“Tir election atema tenüng agütsüba anogo tatembangbaji June 28 nü asütsü. June 30 nü candidate tem kuli reprangtsü aser tenüng meyipa agiba anogoji July 1 nü asütsü” ta Zaidi-isa shisem.
July 17, 2017 anepdang 10:00 ako nungi vote agütsü tenzüktsü aser ibaji nikongdang 5:00 ako tashi agitsü. July 20 anepdang 11:00 ako nungi vote azüngtsü aser kasa anogo nung Vice-President indang election agitsü, ta CEC-isa metetdaktsü.