July 18-19 anogotem nung Aadhaar ken o angadangtsü: Supreme Court

New Delhi, July 12 (Agencies): Bodhbarnü Supreme Court-i, obendanger pongui akümba Constitution bench-i Aadhaar dak sendakba ken o tem angadangtsü, ta metetdaktsü.
SC-isa July 18-19 anogotem nung Constitution Bench-i Aadhaar dak sendakba temepishibatem ken o angadangtsü, ta ashi.
Social welfare schemes balala nungi tajangzük angutsü atema Aadhaar nüngdaktsü ta sorkari sangdong balala agütsüba anema Supreme Court nung temepishiba ken o aika agüja liasü.
Ajisüaka tamalen Centre sorkaribo Supreme Court dang, Aadhaar maliba nung ajemdaker nisung shinga mezüngdoktsü ta shia lir.