July 2, 2016 nü NSEE-II tatidang agitsü

Dimapur, June 20 (TYO): July 2, 2016 nü Nagaland State Entrance Examination (NSEE)-II, 2016 agitsü ta Nagaland Board of School Education(NBSE)-i sangdong ka ajanga metetdaktsüogo.
2016-17 session MBBS aser BDS courses atema State reserved seats indang candidate tem shimtsüba tatidangji anepdang 10:00 ako nungi nikongdang 1:00 ako tashi agitsü, ta sangdong nung shia lir.
Iba tatidang atema Provisional Admit cards ji NBSE office nung June 30 aser July 1, 2016 anogotem agütsütsü, anungji candidate tem tsüngdong arua provisional admit card agizüktsü metetdaktsür, ta NBSE-i ashi.
NBSE-isa sangdong nung ashiba agi, admit card agütsüba mapang examination fee sen 500 agitsü.
Candidate temi maitsü kuli sayutsü atema HSSLC mesüra HSLC Examination indang admit card (original/photocopy) bener arutsüla aser admit cards agütsüba mapang centre of examination indang osang metetdaktsütsü, ta NBSE sangdong nungsa shia lir.