July 8 nü HASPO-i Tuluni benjung amungtsü

Dimapur, June 17 (TYO) : July 8, 2016 nü Highway Area Sumi Public Organisation (HASPO)-i Sumi nunger  benjung ‘Tuluni’ ayongzüka amungtsü.
HASPO ya Dimapur (Chumukedima nungi Kushiabill) tashi Highway anasa aliba Sumi nunger tongti telok lir aser parnoki Agri Expo site, 4th mile, Dimapur nung Tuluni benjung ayongzüktsü.
Lanurtem dang sobaliba sayutsü aser angazükdaktsütsü atema iba benjung ayongzüker. Tanü asen loktiliba nung amshiba yimya ama masü iba benjung nung tongti tesemdanger aser tetushi süa jaoker shinga malitsü aser sobaliba yimya nung taintemi dang benjungmung dak sendakba tayongzükba agütsütsü, ta Convener-i osangbener dang ashi.
Iba benjung nung unit 17-i yartsüngsang aser sobaliba kentem ajanga shilem agitsü aser ano sobaliba saisapongtem alitsü. Anungji highway anasa aliba Sumi nunger ajak iba benjung nung pei sobaliba süoshitem sobur arua adentsü jaoker, ta Convener-isa metetdaktsü.