‘Jumanji’ sequel nung Danny DeVito denogo

Aenjeti/January 05 (Agencies): ‘Jumanji’ den tatongtep yanglutsü aliba film nung America nunger actor Danny DeVito denogo, ta osangtem ajanga metetdaktsü.
Hollywood actor tejen DeVito-i, Dwayne Johnson, Kevin Hart, Jack Black aser Karen Gillan den külemi shilem agitsü ternemba lir. Kasa mapang Jake Kasdan-i project tasenba ya direct asütsü, ta kasa osang ajanga metetdakja liasü.
‘Jumanji: Welcome to the Jungle’ film ya lanur pezü board game ka asaya aoba mapang ain nung Jumanji ta ajaba linük kati aoba indang asütsü. Lanur pezü ya iba linük nung ajemokba mapang parnok toh akhi ama masü saka tain kümadoker alir.
Tangbo, iba film tatongtep ya broad game melena video game asaya yimya nung yanglutsü, ta film yanglurtemi metetdaktsü.
Ajisüaka, tang tashi nung film otsü tarensen aser DeVito indang shilem na atema film yanglurtemi osang sangdonga mali. Kasdan, Scott Rosenberg aser Jeff Pinkner nungeri film script zülutsüogo.