June 17 & 18 nü Mkg nung angati tenük reprangba camp akatsü

Mokokchung, June 11 (TYO): Chandraprabha Eye Hospital K.K Handique Path, Jorhat (Assam) den yaritepa Mokokchung District T20 Cricket Federation (MDTCF)-i June 17 aser 18 anogo ananü Imkongmeren Sports Complex Mokokchung nung “Free Eye Camp” sentong ka ayongzüka lir, ta MDTCF osang ka ajanga metetdaktsüogo.
Iba camp nung bendanglen nungi tenük doctor tajung arutsü. Tenük angati reprangba den mozü angati agütsütsü aser tenük aina (glass) sen dalang agi renemtsütsü, anungji, timtemer aser nungdakbapurtemi inüji anepdang 10:00 nungi nikong 5:00 tashi nung arua reprangtsü akok, ta kasa osang nungsa metetdaktsü.